Krimhelg og mammutsal på ein gong. Hurra!

Krim i bokbyen

17.-19. september 2010

Den norske bokbyen, Fjærland

http://bokbyen.no – post@bokbyen.no – tlf. 57692210

Fredag 17. september

1930: Festmiddag på hotellet.

2200: Øystein Wiik spelar plater og fortel om mord i musikalar. Onkel Mikkel.

Laurdag 18. september

1200: Aktens voktere – Tom Egeland i intervju med Cornelius Jakhelln. Samtalen vil dreia seg om utviklinga i Egelands forfattarskap, rikt som det er på handling og konspirasjon, eventyr og religion. Vil Jakhelln klara å lura spenningsskapande skriveteknikkar ut or forfattaren? Onkel Mikkel.

1330: Øystein Wiik fortel om arbeidet med den kritikarroste spenningsromanen Dødelig applaus. Kaffistova.

1530: Pia Juul fortel om anti-krimmen Mordet på Halland og om sitt tilhøve til krimlitteraturen. Kaffistova.

1930: Festmiddag på hotellet.

Sundag 19. september

1200: Rune Timberlid fortel om kvifor handlinga i krimbøkene hans alltid er lagt til Sogn og Fjordane. Onkel Mikkel.

1330: Um kriminal og kriminell litteratur. Kva hev ein gentleman frå victoriatidi å segja um mystery-litteraturen i dag? Mr. Sherlock Holmes kommenterer utvalde krimromanar frå det 20. århundre, av Riverton, Chandler, Christie og Larsson. Onkel Mikkel.

Deltakarane

Tom Egeland er fødd i Oslo i 1959. Han er ikkje minst kjend for Sirkelens ende, «den norske Da Vinci-koden». Han fekk Rivertonprisen for Lucifers evangelium (2009), som er den tredje boka med Bjørn Beltå. Egeland er omsett til 20 språk.

Cornelius Jakhelln er kritikarrost poet og romanforfattar, har studert filosofi og spelar i metallbanda Solefald og Sturmgeist. I krimnoiren Voguesville harselerer han med sjangeren, samstundes som boka kan lesast som ei hylling til Raymond Chandler.

Pia Juul (Danmark) er forfattar, omsetjar og lærar på Forfatterskolen i København. For anti-krimmen Mordet på Halland fekk ho Den danske banks litteraturpris, som er den mest prestisjefylte litteraturprisen i Danmark.

Rune Timberlid er norsk forfattar, informasjonssjef og tidlegare redaktør i Sogn avis. Han har i alt skrive 6 krimbøker om lensmannsbetjenten Rolf Randen. Alle bøkene hans har handlinga lagt til Sogn og Fjordane.

Øystein Wiik er utdanna songar, og vart kjent internasjonalt i rolla som Jean Valjean i Victor Hugos Les Miserables. Han har skrive tekstar til og produsert fleire musikalar saman med komponisten Gisle Kverndokk, mellom anna Sofies verden av Jostein Gaarder og Jorden rundt på 80 dager, som har premiere på Den norske operaen i 2010. Debutromanen Dødelig applaus blir omsett til tysk i desse dagar.