Internasjonal Bokbyfestival 2006

Det er no klart at Fjærland skal arrangera Internasjonal Bokbyfestival i 2006. Festivalen går av stabelen 23. – 25.juni, og vil byggje på den årlege Boknatta.

Årets festival vart halde i Wigtown (Skotland) i slutten av mai. Det var interessante dagar med deltakarar frå dei europeiske bokbyane. Fjærland stilte ein stor delegasjon med ordførar Karen Marie Hjelmeseter i spissen. Ordføraren fekk overrekt “stafettpinnen” for neste festival – ein gedigen einerstav som skal få ein sentral plass i Den norske bokbyen i Fjærland. Bokbyen i Fjærland er også representert i styret for The International Organisation of book towns.