God nasjonaldag og godt Bjørnson-år frå bokbyen

Den norske bokbyen i Fjærland ynskjer alle hjarteleg til lukke med dagen 17. mai. Me held stengt i dag, men opnar att i morgon. Då held me ope kvar dag til uti september.

På nasjonaldagen kan det vera greitt å minnast forfattaren av nasjonalsongen vår. Me feirar Bjørnson-jubileet i bokbyen med ei eiga utstilling på Tusund og ei natt, mellom anna med lokalstoff frå “rabaldermøtet” i Lærdal, då Bjørnson fekk svar på tiltale. Velkomen innom!