Fyrst og fremst må me ta atterhald om endringar, men her er programmet slik det ligg føre no. Me kan i kort lova Tom Egeland, Cornelius Jakhelln, Pia Juul, Rune Timberlid, Øystein Wiik og krim-moro utanom det vanlege. Møt opp i bokbyen!

- Seriøse kunstnarlege prosjekt og meir lausslupne humoristiske [...]]]> Viss du har fantasi til å finna noko rundt, sirkulært eller ballforma i bokhyllene til Den norske bokbyen i Fjærland, bør du ta turen til bok-, ball- og brebygdi siste helgi i august. Då er det rundballefestival, og alle runde titlar i bokbyen er sette ned til halv pris.

- Seriøse kunstnarlege prosjekt og meir lausslupne humoristiske påfunn går hand i hand under rundballefestivalen. Tilbodet vårt høyrer nok til den siste gruppa, fortel dagleg leiar Eivind Ødegård. Han oppmodar folk om å ha augo med seg, for fleire bøker enn ein trur kan vera på tilbod.

- Det klassiske dømet ville nok vera “Jorda rundt på 80 dagar” av Jules Verne, men det gjeld å bruka fantasien. Greier du å rundtala og overtyda oss om at boktittelen du fann er rund nok, rundar me av til halv pris, seier Ødegård.

Den tredje internasjonale rundballefestivalen går av stabelen 27.-29. august, med eit stort tal rundball-aktivitetar for små og store. Fjærlandsbøndene har alltid vore tidleg ute med å prøva nye metodar, og rundballing er ikkje noko unntak. I dag blir det pressa og pakka ikring 10.000 rundballar kvart einaste år i Fjærland, og rundballefestivalen er ein måte å heidra arbeidet bøndene gjer i landskapet. Mesteparten av aktivitetane går føre seg på ferjekaien i Mundal, der bokbyen òg har det største utsalet sitt. Bokbyen sel bruktbøker heile året, og under festivalen går runde boktitlar opp til 200 kroner for halv pris.

Fredag 25. juni

18.00: Europa for dine føter – Lise Foss. Europa har millionar gamle [...]]]> Vinjes Ferdaminne fyller 150 år i år. Til Boknatti 25.-27. juni har me invitert ei rad skandinaviske forfattarar og artistar som ikkje er redde for å ta beina fatt, samtidig som dei ofte skildrar lokale samanhengar, nett slik Vinje gjorde.

Fredag 25. juni

18.00: Europa for dine føter – Lise Foss. Europa har millionar gamle stigar som er trødd opp og forma av føter gjennom tusentals år: handelsvegar, romerske hærvegar, pilegrimsruter, muldyrtråkk og eldgamle vandretrekk. I våre dagar er mange av desse lagde til rette for moderne vandrarar, med merking og overnattingsstader.  Lise Foss har skrive to bøker om vandreturar gjennom Europa, og tek oss med langs E/3, som startar i Aust-Europa ved Svartehavet og endar ved Atlanterhavet.

Onkel Mikkel, gratis.

21.00: Terje Aarset inviterar til allsong av kjende songar og salmar- frå Blåmann til Det lyser i stille grender. Innimellom fortel han historier om salmane og songane som alle er skrivne i perioden 1860 til 1931, og som høyrer til det nynorske standardrepertoaret. Organist er Roar Goksøyr Lillebø. Fjærland kyrkje, kr 100.

Laurdag 26. juni

16.00: Boknatti opnar! Flagget til topps, korpset spelar. Kaia, gratis.

16.30: Jessie Kleemann (Grønland) lærer borna å fortelja historier gjennom å laga masker og dansa etter grønlandsk tradisjon.

Peisestova, Hotel Mundal, gratis.

16.30: Bokauksjon. Leseteltet, gratis.

18.00: Maria Parr har på kort tid fått eit stort internasjonalt publikum for barne- og ungdomsbøkene sine. Høyr Brageprisvinneren lesa høgt frå boka Tonje Glimmerdal - den einaste jenta som veks opp i Glimmerdalen.

Leseteltet, gratis.

18.30: Kor kjekt kan det eigentleg vera å vera nynorsk forfattar i dag? Dette, og mykje meir, blir tema når tre av våre mest interessante forfattarar; Kjartan Fløgstad, Maria Parr og Kjersti Rorgemoen, møtest til samtale under leiing av journalist og forfattar Agnes Ravatn.

Kaia, gratis.

19.45: Forfattarane Hulda Garborg (1862-1934) og Ragnhild Jølsen (1975-1908) skreiv båe om menneske som er knytte til stader. Men der Hulda Garborg såg frisk og frigjerande natur, skildra Ragnhild Jølsen dunkel naturmystikk og røter som drog menneske inn i galskapen. Biografen Arhild Skre pratar om skilnaden på å lika måneskin og fjelluft.

Leseteltet, gratis.

21.00: Maskedans ved performancekunstnaren Jessie Kleeman(Grønland). Kaia, gratis.

21.30: Kjartan Fløgstads siste roman Grense Jakobselv går frå Hitlers maktovertaking i Tyskland i 30-åra fram til den tyske okkupasjonen ved Grense Jacobselv, eit terreng og eit klima dei tyske troppane ikkje var budde på. Møt Kjartan Fløgstad i samtale med sin danske forleggar Claus Clausen om den siste romanen og blandinga av dikting og røynd, om kor viktig det er å kjenna stader og soga deira fullt ut. Kort sagt: Om kunsten å skriva romanar med utgangspunkt i eit avgrensa lokalmiljø, som Fløgstad har gjort med heimstaden Sauda i flere romanar.

Leseteltet, gratis.

22.00: Konsert med Heidersmenn ved Spelemannsnominerte Stein Torleif Bjella og nokre av musikarane hans.

Kaia, gratis.

23.30: Agnes Ravatn spelar musikk og kåserer om korleis opptakskasettar i barndomsheimen var viktigare enn alle verdas bøker.

Onkel Mikkel, gratis

Sundag 27. juni

11.00: Blomegudstenest i Fjærland kyrkje

12.30: I Mette Moestrups (Dk) roman Jævnet med jorden taklar den kvinnelege hovudpersonen kjærleikssorg ved å fylgja spinnesida i familien tilbake til ein landsby på Jylland. Kva skjer med eit lite landsbysamfunn når det største landemerket, vindmølla, forsvinn? Møt den kritikarroste forfattaren i samtale med Arnhild Skre om tilhøvet mellom språk og stad.

Kaffistova, gratis.

13.15: Purkene snudde seg var ei av dei bøkene som fekk flest lovord i fjor. Kjersti Rorgemoen les høgt frå boka om den resignerte hovudpersonen Magda Bekk som har eit skrått humoristisk blikk på verda.

Kaffistova, gratis.

14.15: Til 150-årsjubileet for Vinjes vidgjetne reise har Jon Severud i detalj og med relavante omvegar gått opp spora etter «Dølen». Vinje var ein av dei kunstnarane som ikkje vende attende til heimstaden og røtene, men vart buande i hovudstaden. Men han brukte føtene flittig, og la stadig ut på nye reiser. Ferdaminne frå sumaren 1860 er den perfekte reiseskildringa i norsk litteratur; det er moderne journalistikk, sosiologi, samfunnskritikk og diktekunst på ei og same tid.

Onkel Mikkel, gratis.

Deltakarar:

Svein Torleif Bjella vart nominert til spellemannsprisen i fjor som beste visesongar og beste tekstforfattar for plata Heidersmenn. Han bruker bygda som bakteppe for dei misantropiske historiene sine. Bjella er tidlegare frontfigur i bandet Tolv Volt og jobbar som journalist i Hallingdølen ved sidan av å vera musikar.

Claus Clausen (Dk) har vore direktør for Tiderne Skifter sidan han grunnla forlaget i 1973. Han har gjeve ut meir enn 500 bøker, og er Kjartan Fløgstads danske forleggar.

Kjartan Fløgstad studerte fyrst arkitektur og så litteratur og språkvitskap ved UiB. Fløgstad var ei tid industriarbeidar i heimbyen. I si tid som sjømann reiste han i ulike delar av verda, spesielt i Latin-Amerika, og erfaringane frå dette kontinentet skulle få ein vesentleg innverknad på forfattarkapen. Fløgstad har mellom anna fått Aschehougprisen, Nordisk Råds litteraturpris og Brageprisens heiderspris.

Roar Goksøyr Lillebø er organist. Han har mellom anna skrive nye melodiar til tekstar av Jacob Sande.

Jessie Kleemann (DK) er grønlandsk poet, biletkunstnar og performancekunstnar.

Kleemann har gjesta store delar av verda med sin moderne versjon av den grønlandske maskedansen.

Mette Moestrup (DK) er forfattar og lærar på Forfatterskolen i København og Litterär Gestaltning i Gøteborg. Ho har gjeve tre kritikarroste diktsamlingar. Romanen Jævnet med jorden kom ut i 2009. Moestrup er omsett til svensk, finsk, norsk og tysk.

Agnes Ravatn er journalist i Dag og Tid, og debuterte skjønnlitterært med boka Veke 53 i 2007. Boka Stillstand fekk mykje merksemd då ho kom ut våren 2009. Samman med Kjersti Rorgemoen var ho ein av redaktørane bak fanzina Ikke til hjemlån (2008).

Kjersti Rorgemoen er ein av redaktørane bak fanzinen Ikke til hjemlån. Purkene snudde seg er fyrste boka hennar.

Jon Severud er ein kunnskapsrik stril og norsklektor som mellom anna har skrive Shit happens- om meningen med livet. Han er aktuell med boka Ei Gjenreise. Ferdaminne etter A.O. Vinje.

Arnhild Skre er tidlegare journalist og redaktør i Dag og Tid og Aftenposten. Boka Jeg vil bli som leoparden handlar om Ragnhild Jølsen. No skriv Skre biografi om Hulda Garborg.

Terje Aarset er fyrsteamanuensis i norsk språk ved Høgskulen i Volda. Han har redigert og gjeve ut ei rekkje bøker innanfor emna språk, litteratur, bibliografi, lokalhistorie og musikk. Aarset er aktiv musikar og arrangerer musikk, særleg for kor.

På nasjonaldagen kan det vera greitt å minnast forfattaren av nasjonalsongen vår. Me feirar Bjørnson-jubileet i bokbyen med ei eiga utstilling på Tusund og [...]]]> Den norske bokbyen i Fjærland ynskjer alle hjarteleg til lukke med dagen 17. mai. Me held stengt i dag, men opnar att i morgon. Då held me ope kvar dag til uti september.

På nasjonaldagen kan det vera greitt å minnast forfattaren av nasjonalsongen vår. Me feirar Bjørnson-jubileet i bokbyen med ei eiga utstilling på Tusund og ei natt, mellom anna med lokalstoff frå “rabaldermøtet” i Lærdal, då Bjørnson fekk svar på tiltale. Velkomen innom!

30. april 2010: Slik ser det ut ein halvtime før butikkane opnar. Opphald akkurat no, god temperatur og ein svær, svær haug med bøker i Fjærland. Dette er vakkert, og finst ikkje andre stader enn [...]]]>

30. april 2010, Bokbyen opnar|30 April 2010, The booktown opens

30. april 2010: Slik ser det ut ein halvtime før butikkane opnar. Opphald akkurat no, god temperatur og ein svær, svær haug med bøker i Fjærland. Dette er vakkert, og finst ikkje andre stader enn akkurat her.

Plakaten finn du her, og sjølve programmet har me på [...]]]> Opningshelgi i Den norske bokbyen nærmar seg. Vil du hjelpa oss litt å blesta tilstellingane? Her er ein plakat du kan lasta ned, skriva ut og henga opp, og slik gje folk høve til å sjå kva som skjer i bokbyen.

Plakaten finn du her, og sjølve programmet har me på denne sida.

Merethe Klæboe og Trond Klaape-Aasdal kjem til Fjærland og bokbyen med utstillinga Hjartespråk, som er eit kunstnerisk samarbeidsprosjekt i form og tekst. Dikta til Trond Klaape-Aasdal går saman med tekstilkunsten til Merethe Klæboe, og blir eit eige språk til hjarta: eit hjartespråk. Utstillinga opnar kl. [...]]]>

Utstillinga "Hjartespråk" på Bok og Bilde, Den norske bokbyen i Fjærland

Merethe Klæboe og Trond Klaape-Aasdal kjem til Fjærland og bokbyen med utstillinga Hjartespråk, som er eit kunstnerisk samarbeidsprosjekt i form og tekst. Dikta til Trond Klaape-Aasdal går saman med tekstilkunsten til Merethe Klæboe, og blir eit eige språk til hjarta: eit hjartespråk. Utstillinga opnar kl. 13:00 fredag 30. april, og det er høve til å vera med på omvising laurdag 1. mai kl. 11-13. Kom og sjå! Plakat for utstillinga kan du lasta ned og skriva ut her. Utstillinga er ein del av Opningshelgi i Den norske bokbyen 2010, i år med særleg vekt på det store tilbodet vårt av religiøs litteratur.

Utstillinga er resultat av eit samarbeid mellom kunstnar/kunstterapeut Merethe Klæboe og kulturrformidlar Trond Klaape-Aasdal frå 2006 og fram til i dag. Gjennom åtte ulike hjarteuttrykk med tova ull som hovud-materiale, har Klæboe gjeve form til dei bileta ho får kontakt med i Klaape-Aasdal sine dikt. Her møter vi menneske på leit etter samklang med sitt eigentlege eg. I møte med naturen og den andre kan dei stundom oppleve å vere i kontakt med noko som er heilt og fullkome. Parallelt med denne opplevinga balanserer dei på ein knivsegg mellom paradisiske tilstandar og undergang. I erfaringa av det guddommelege tek eit nytt språk form og retning. Eit språk som kan vekse fram og finne sin bustad i hjartet.

Gjennom utstillinga «Hjartespråk» ønsker Klæboe og Klaape-Aasdal å skape stemningar og bilete som publikum kan kjenne seg att i. Kan hende opnar utstillinga opp for dimensjonar som gjer det mogleg å finne fram til sitt eige hjartespråk?

Om kunstnarane

Merethe Klæboe

Merethe Klæboe (f. 1953) kjem frå Dønna på Helgelandskysten. Busett på Hedmarken sidan 1989. Utdanna ved Danmarks Designskole 1979 – 1989 innan møblel og interiør. Diplom Kunstterapeut ved Institut for Kunstterapi i Danmark 1992 – 1995. Påbyggingsmodul i Kunstterapi 2008. Arbeider i Hamar Kommune og på Hospice Sangen i Hamar, med kunstterapi for yngre demente og kreftpasientar. Har hatt oppdrag for Mental Helse kompetanse, rusmiddeletaten i Oslo kommune mm.

Separatustilling i Stange Kunstforening 2007, Kunstlåven i Stange 2008. Kollektivutstilling i Grevskapet, Stange Bibliotek i 2009. Vart i 2004 tildelt Landsforeningen for hjerte- og lungesyke sin ærespris.

Trond Klaape-Aasdal

Trond Klaape-Aasdal (f. 1978) kjem frå Svatsum i Vestre Gausdal og er busett i Brumunddal. Han har pedagogisk utdanning og arbeider til dagleg som miljøterapeut og frilans kulturformidlar. Klaape-Aasdal er særleg oppteken av samanhengen menneske – Gud – natur. Han var tidlegare aktiv utøvar av den vokale tradisjonsmusikken frå Gudbrandsdalen. I dag er han aktiv som litteraturformidlar, kåsør, skribent og foredragshaldar. Medforfattar av boka Innenfor utenfor : Hamar i dag (Ararat forlag 2005). Vart tildelt Årets Rose 1993 (Gausdal sang- og musikkråd), Forbrukersamvirket Gudbrandsdalens folkemusikkpris 1999 og kåra til Vangbamsen 2002 (Vang bibliotek, Hamar kommune).