Ver med|Contribute

Bokbyen er viktig for samfunnet på mange punkt:

• Bøker fortener eit liv etter bestseljarlistene. Bokbyen er ein del av det kollektive minnet vårt, og syter for at bøker ikkje blir gløymde.
• Me er ei gjenbruks- og miljøverksemd. Den norske bokbyen tek vare på bøker som elles ville vorte kasta, og reddar tonnevis frå deponia.
• Me formidlar litteratur på ein original og entusiastisk måte. Bøker er moro, her har me 4 kilometer med moro!
• Me held viktige litteraturtilstellingar på Vestlandet, og gjer det lett for folk her å oppleva litteratur.
• Bokbyen er ei kunnskapsverksemd i ei landbruksbygd, og gjev variasjon i næringslivet.
• Me er eit stort pluss for reiselivet i området. Tenk å kunna lokka med at bokbyen ligg rett rundt hjørnet!

Viss du vil støtta opp om arbeidet me gjer, er det fleire måtar å gjera det på.

• Gje ein skjerv. Me tek imot pengegåver til Stiftinga Den norske bokbyen på kontonummer 3781.15.59912. Kontakt oss gjerne om du har spørsmål om ordninga.
• Bli friviljug! Det er moro å jobba i bokbyen om sumaren.Har du tid, kan du gjera nokre dagsverk i utsala våre. Kontakt oss på epost (post alfakrull bokbyen punktum no) eller telefon (57692210) om dette høyrest interessant ut.