Tilstellingar
Komande tilstellingar
Her er ei liste over tilstellingar i Fjærland framover.
Viktige tilstellingar
Boknatti 2012, den 23. juni 2012
om 35 dagar og 21:16 timar.
Varar: Heildagstilstelling
Tidlegare tilstellingar
Kvart år held bokbyen omtykte og spesielle kultur- og litteraturtilstellingar. Me skriv tidt litt om dei, og det kan du lesa her.
- Boknatti 2012: Namneslepp
Sprei ryktet, godtfolk! Dette blir ei storarta boknatt.
Boknatti laurdag 23. juni 2012: Ragnar Hovland • Halvor Folgerø • Finn Tokvam • Rune Timberlid • Tore Kvæven • Nhu Diep • Mads Langnes • Magnar Kartveit • Rebecca Dinerstein • Konsert: Åshild Mundal • Den norske songskatten: Terje Aarset • Bokmarknad og moro for store og små
- Opningshelgi 2012: Bygningar og landskap ute og inne
Bilete av plakaten for Opningshelgi 2012
Program for Opningshelgi i Den norske bokbyen
Laurdag 28. april 2012
Bygningar og landskap ute og inne
4km nysorterte bøker i alle kategoriar. Butikkane opne kl 10-18 kvar dag.
10.00: Bokbutikkane opnar. Bokby-sesongen er i gang! Massevis av nysorterte godbitar i alle utsal.
11:00: Bygging av Bokgarden startar.
12.00: Utstillinga Inne og ute opnar. Kaja Nilsen stiller ut. Vernissage med kanapear og champagne! Bok og bilde, gratis
16:00: Arkitekt Eyvind Øgar om bygningar og landskap. Døme frå Fjærland og nærområdet. Fjærland fjordhotell, gratis
17:00: May Elin Eikaas Bjerck om kunst, arkitektur og landskap. Nyskapande møte i offentleg rom. Fjærland fjordhotell, gratis
18:00: Samtale mellom Eyvind Øgar, May Elin Eikaas Bjerck og interesserte om bygningar, landskap, ute- og innerom. Fjærland fjordhotell, gratis
20:00: Konsert. Elin Furubotn i Fjærland kyrkje. Billettar til sals i døra og på bokbyen.no, kr 150/165.
Ting overnatting i tide – sjå fjaerland.org for alternativ
Om deltakarane
May Elin Eikaas Bjerck er kunstnarleg leiar i OFFROM studio, som baserer seg på stadsspesifikk utvikling i offentlege rom, og spesialiserer seg innan ny teknikkutvikling for ornamentering av betonggolv i ute- og innerom. May Elin er kunstnar, utdanna ved Statens kunstakademi og Kungl. Konsthögskolan i Stockholm. Ho er innkjøpt av ma. Henie-Onstad kunstsenter, og har røynsle frå mange prosjekt. Eit av dei nyaste er Jostedalsbreen morenepark i Kjøsnesfjorden.
Elin Furubotn skriv eigne songar med norske tekstar. Ho er ute med sitt femte album, Heilt nye vei, som er lansert i Noreg og Tyskland. Platene hennar har fått særs gode omtaler, og songen «I det stille» vart A-lista på NRK P1. Elin Furubotn blandar jazz, pop og visesong til fjørlette og samstundes kraftfulle musikkuttrykk.
Kaja Nilsen er adjunkt. Ho målar, teiknar og lagar grafikk. Utstillinga Inne og ute er den fyrste separatutstillinga hennar, og er ma. inspirert av fleire turar i Fjærland.
Eyvind Øgar, master i arkitektur MNAL, er arkitekt med kontorstad i Sogndal. Han er dagleg leiar i arkitektfirmaet Stiv kuling AS. Stiv kuling er eit ungt kontor og søkjer ein arkitektur som vidareutviklar gamle handverkstradisjonar, og bygger rom som framhevar naturgjevne kvalitetar og stadeigne fenomen.
Dei vart i 2011 valt ut som WILDCARD-kontor av Norske arkitektars landsforbund (NAL).Vil du hjelpa oss å få massevis av folk til å koma på opningshelgi? Det er fleire ting du kan gjera:
- Del denne sida på twitter, facebook, epost eller kva som helst.
- Last ned plakaten med programmet, skriv han ut og heng han opp overalt.
- Prat om oss!
På førehand tusen takk – og hjarteleg velkomen til Fjærland i sumar.
- Åshild Mundal held konsert på Boknatti 2012
Åshild Mundal, songar og musikar med røter i Fjærland, kjem til boknatti laurdag 23. juni 2012. Med plata «Fritt fall» i bagasjen, A-listing på NRK P1 og både rolege og meir allsong-venlege songar på repertoaret, er det duka for ein flott gratiskonsert med Åshild under Boknatti.
Konserten blir ei av kultur- og litteraturhendingane under boknatti, og i tillegg kjem eit godt utval forfattarar, opplesingar, mat og drikke, marknad og prat, og ikkje minst: Mengdevis med brukte bøker, der kvar og ein kan selja sine eigne brukte bøker – økonomi og gjenbruk i ei vakker sameining. Alt saman servert saman med ei utsikt som kan ta pusten frå deg. Dette er ein sopass god ide at Sparebankstiftinga og NRK meiner det kan fortena ein pris – og det meiner me òg! Gå til denne NRK-sida og gje Boknatti eit klikk!
- Halv pris i bokbyen laurdag og sundag
No er hausten her att, og det er tid for den årlege sesongslutten i bokbyen. Laurdag 17. og sundag 18. september 2011 er dei to siste dagane i år utsala i bokbyen held alminneleg ope, og det markerer me med halv pris på alle vanlege bøker i bokbyen, samt halv pris på brus og is på Kaffistova. Det er eit tilbod du absolutt ikkje må gå glipp av. Bøker i bokbyen er frå før billege, og halv pris av låg pris, ja, det må bli uhorveleg billeg, det!
Tilbodet gjeld alle bruktbøker under kr 200, samt brus og is på Kaffistova. Tilbodet gjeld berre i utsala i Fjærland, og ikkje for nettingingar. For bokbyen er det bra å få reinska opp i bokhyllene før hausten kjem for fullt, og for deg er det bra å få tak i dei bøkene du har sakna. Velkomen til hyggelege haustdagar i Fjærland 17. og 18. september!
Kanskje du rekk ein tur på Hotel Mundal òg? Hotellet serverer kjøtkaker frå kl. 18 laurdag, og dagleg leiar i bokbyen held ein liten konsert på Onkel Mikkel frå kl 22.
- Skrivekurs i Fjærland 9.-11. september 2011
Mundal Hotell, Fjærland
Tema: Heltinner i litteraturen
Lærar: Arnhild Skre
Pris: kr 400 for medlemer, kr. 600 for ikkje – medlemer
Eventuelt hotellopphald kjem i tillegg
For dei som ikkje skal bu på hotellet kjem det eit pristilbod på dagpakke (frukt, kaffi, te, m.m.)
Påmelding innan 20. august til
Elsa Norunn Håheim Nydal, tlf 91589073
Sogn og Fjordane Skrivelag
i samarbeid med Bokbyen i FjærlandArnhild Skre er historikar, journalist og forfattar. Ho har vore journalist i NRK og i fleire aviser og ho har skrive fleire bøker.
Bibliografi
La meg bli som leoparden: Ragnhild Jølsen – en biografi
Heltinner jeg har møtt
Innvandra mat
Dagmammaer i dagslysEin treng ikkje vere medlem i Skrivelaget for å melde seg på kurs, det er ope for dei som har lyst til å setje av ei helg, bu på eit flott hotell, få inspirasjon til å skrive, vere i lag med andre som skriv. Her er rom for dei som har skrive mykje, for dei som berre har skrive litt, for dei som kjenner sterkt på skrivekløe og for dei som lurer på om dette kanskje kan vere noko for dei.