Tilstellingar

 

Her er ei liste over tilstellingar i Fjærland framover.

Viktige tilstellingar

Rundballefestivalen, den 29. aug. 2014
om 37 dagar og 04:33 timar.
Varar: 2 dagar og 00:00 timar.

Artiklar og innlegg om tilstellingane

Her er ei liste over artiklar og innlegg me skriv om tilstellingar i Fjærland.

  • Konsert med Tonereise i Fjærland kyrkje 24. juli kl.17:30

    Tonereise er ei norsk musikkgruppe, som baserar seg på dei gamle religiøse folketonane, men dei har sterk påverknad frå gospel, bluegrass, roots, country og blues. Billettar kr. 130,-. Kan kjøpast på Fjærland Fjordstove Hotell:  bard@fjaerlandhotell.no eller 41000200.

  • Rundballefestivalen 2014

    Siste helg i august er det klart for ny rundballefestival i Fjærland. Det vert rundballekunst, rundballemat, VM i rundballetrilling med meir. Arrangementet vert i hovudsak på ferjekaia og scena i bokbyen. Velkomen til Fjærland 29.-31.august!

    www.rundballefestivalen.no

  • Program Boknatti 2014

    Laurdag 21.juni vert det stor bokmarknad og folkeliv i Bokbyen!

    PROGRAM
    16:00    Opning ved Claus Kvamme. Kaien
    17:30    Tove Bakke og Eivind Ødegård. Dikt med musikk.  Kaien
    18:30    Johs. B.Thue: «Vårt 1814» – Ny bok. Kaien
    19:00    Tove Bakke. Alle dei liv ein omsetjar kjem borti. Kaien
    20:00    Grautmål. Øystein Vangsnes og Arve Uglum. Kaien
    20:45    Ragnar Hovland. Kaien
    21:30    Lena Skjerdal. Konsert på ferjekaien. (Gitarist: Inge Ronny Kvåle. Kontrabass: Øystein Åsnes)

    Boksignering ved Brita Frækaland (Misjon i Fjærland) mellom kl. 20-22. Kaien

    BARNEPROGRAM
    16:30    Eventyrstund med flanellograf. Sølvi Mundal. Bok og bilde
    17:30    Barneaktivitetar, bokstabling og lykkehjul startar i barneteltet. Kaien
    18:30    Monstermoro for barn med Monsterboka ved Lena Skjerdal. Kaien

    Salsbodene er ope frå kl.16:00 og alle bokbutikkane held ope til midnatt. God mat og drikke. Alle arrangement er gratis. Velkomen!

    OM DELTAKARANE

    Ragnar Hovland er fødd i Bergen, voks opp fleire stader på Vestlandet og bur no i Oslo. Han jobbar som forfattar, dramatikar, omsetjar og konsulent. Han er utdanna cand. philol. med engelsk, fransk og litteratur frå Universitetet i Bergen. Hovland debuterte som forfattar i 1979 og skriv på nynorsk for både vaksne og barn.

    Tove Bakke er fødd og oppvaksen i Sande i Sunnfjord og bur no i Oslo. Ho er utdanna cand. mag. frå Universitetet i Oslo i faga fransk, spansk og litteraturvitskap. Ho jobbar som omsetjar og var tilsett som saksbehandlar i Norsk kulturråd. Bakke har blant anna omsett Astrid Lindgren, Daniel Pennac, Anna Gavalda og Federico García Lorca. Ho har omsett fleire barnebøker frå fransk og islandsk. Ho birdrog også med ei forteljing til barnebokantologien Godnattboka frå SKALD forlag.

    Arve Uglum er frå Kaupanger i Sogn og har tidlegare arbeidd som journalist i lokalavis. Sidan 1999 har han jobba med nyhenede og feature i NRK Sogn og Fjordane, både for fjernsyn, radio og nett. I periodar har han også arbeidd for NRK Sport.

    Øystein A. Vangsnes er frå Leikanger i Sogn og er lingvist med doktorgrad frå Universitetet i Bergen. Han arbeider no ved Universitetet i Tromsø der han koordinerer eit større nordisk samarbeid om kartleggjing av grammatikken i dialektane i det nordiske språkområdet.

    …Er du ein igraol? Har du ein god kodde i sofaen, for det er vel fønøne når du ligg og dusmar? I 2006–2008 sende NRK Sogn og Fjordane programserien Grautmål: Hyllest til dialektord frå Sogn og Fjordane der innringjarar i samtale med journalist Arve Uglum presenterte og forklarte ord og uttrykk dei kjende frå eige talemål. I bokversjonen er dialogen mellom heimelsfolka og Uglum gjengitt i talemålsnær form. Deretter gir språkvitar og systrending Øystein A. Vangsnes fyldige kommentarar til, og omkring, orda og talemålet basert på tilgjengelege kjelder og eigen kjennskap til dialektane i fylket.

    Johs. B. Thue er frå Balestrand. Han er cand. philol. med historie hovudfag og arbeider no som frilansjournalist og forfattar. Han har tidlegare m.a. vore stipendiat ved Bergens Sjøfartsmuseum, førsteamanuensis ved Sogn og Fjordane distriktshøgskule og redaktør i Sogn Dagblad.

    Lena Skjerdal er kjend som ein allsidig vokalist og musikar med lang fartstid. I 2009 gav ho ut cd-en Home på NorCd. Tidlegare har ho arbeidd som høgskulelektor i musikk ved Høgskulen i Sogn og Fjordane. I tillegg er ho tilsett hjå SKALD forlag, der ho mellom anna arbeidar som opplesar. På Boknatti spelar ho saman Inge Ronny Kvåle på gitar og Øystein Åsnes på kontrabass. Me skal få høyre songar frå siste utgjeving og den nye plata, Mjuke Vek, som kjem til hausten 2014. Singelen Blaoskavlen bossa vart lansert digitalt på WIMP i vår og kan lastast ned her:  https://soundcloud.com/lena-skjerdal/blaoskavlen-bossa

    Claus Kvamme er frå Bergen, men har budd store delar av sitt liv på Leikanger i Sogn. Han flytta til Fjærland på byrjinga av 90-talet,  og har saman med kona, Kari Kvamme, bygd opp Den norske bokbyen i Fjærland.

     

     

     

     

  • Boknatti laurdag 21.juni

    Bokbyen sitt tradisjonsrike arrangement Boknatti går i år av stabelen laurdag 21.juni med stor bokmarknad og variert program for vaksne og born. Sett av kvelden og natta!

    Detaljert program og presentasjon av deltakarane kjem me attende til. No har me gleda av å nemne medverkande som Ragnar Hovland, Tove Bakke, Lena Skjerdal, Arve Uglum og Øystein Vangsnes.

    Vil du selje eigne bøker Boknatti? Ta kontakt på telefon eller epost for leige av salsbod.

  • Opningshelg i Bokbyen 1. -3.mai 2014

    Opningshelg 1.- 3.mai  Bokbutikkane opnar torsdag 1.mai, kl.10 med gode opningstilbod. Fredag 2.mai er det pubkveld på Fjordstua og laurdag 3. mai vil det vere fylgjande program i Bokbyen:

    -Konkurranse i årets «Bokbysti». Passar for alle aldre. Bok og Bilde kl. 10:00-12:30. Premieutdeling rett etter at konkurransen er avslutta. Bollar og saft til alle som fullførar.

    -»Landskapet som historiebok». Foredrag ved Mons Kvamme. Fjærland Fjordstue kl.14:00

    -»Pesto av norske råvarer». Demonstrasjon ved Elin Kvamme – 5. plass i VM i pesto-laging i Italia. Høve til å prøve sjølv. Fjærland Fjordstue kl.15:00

  • Bokbymammut og konsert med Linda Gytri

    21.-22.september er det sesongavslutning i Bokbyen. Som vanleg denne helga er det HALV PRIS på nesten alle bøkene me har. På laurdagen, kl.20.00 vil det vere konsert med Linda Gytri på Fjærland Fjordstove.  Linda Gytri vart kåra til 3.beste folkemusikkplate i 2012 av Dag og Tid og Adresseavisa. www.lindagytri.com

  • Program Boknatti 22. juni 2013

    13:00 Stemningar frå Norden. Konsert med Olaug Mundal og Linn Ellise Hovland. Fjærland kyrkje, kr 100/50

    16:00 Boknatti opnar! Marit Aakre Tennø, leiar i Noregs mållag, held opningstalen. Kaien, gratis

    16:30 Fjærland skulekorps spelar i gang barneaktivitetane. Mundal, gratis

    16:45 Barneaktivitetar på Bok & Bilde.

    17:00 Opplesing for born. Janne Karin Støylen les. Bok og bilde, gratis

    17:00 Opplesing for vaksne. Hermann Starheimsæter les. Leseteltet på kaien, gratis

    18:00 Symfoni for to klovnar; eller: Kva burde du kanskje vita om Henrik Ibsen? Klovnevarieté. Kaien, gratis

    (Programpause mellom 19:00 og 20:00)
    20:00 Den nynorske barnelitteraturen. Kva finst, og kvar finst det? Janne Karin Støylen orienterer. Leseteltet, gratis

    20:30 Språk og galskap. Forfattane Arnfinn Kolerud og Hermann Starheimsæter i samtale med Janne Karin Støylen. Leseteltet, gratis

    21:00 Kom ikkje inn i mitt hus. Arnfinn Kolerud les. Leseteltet, gratis

    21:30 Olav Stedje. Konsert på ferjekaien, gratis

    Midnatt: Etterpålag. Brandon Ott spelar og syng. Fjærland fjordstove, gratis
    Dei fleste programtidspunkta er omtrentlege. Det kan bli nokre avvik utover kvelden.

    Ting overnatting i tide! Sjå fjaerland.org for alternativ.

    Leige salstelt? Kontakt bokbyen.

    Om deltakarane

    Boris Rodriguez Hauck (f. 1959), leiar av TeaterAtelieret, med tysk-spanske røter, har budd i Noreg sidan 2002. Musikk, tango, sirkus og klovnekunstar er ein stor del av teaterverda hans. Han jobbar i Noreg, Spania og Tyskland.

    Linn Ellise Hovland, sopran, er frå Ålgård i Rogaland, og har teke mastergrad i song ved Universitetet i Stavanger hjå Elizabeth Norberg-Schulz.

    Arnfinn Kolerud (f. 1968) kjem frå Isfjorden i Romsdal og er barne- og ungdomsbokforfattar. Han debuterte med Berre ikkje brøyteplogen kjem i 1996, og har skrive fleire romanar for alle aldersgrupper. I 2012 kom Kom ikkje inn i mitt hus, som er band 2 i Vassbygdi-trilogien.

    Olaug Mundal frå Fjærland i Sogn, har teke bachelorgrad i piano ved Høgskulen i Agder og akkompagnement hjå Erling Eriksen ved Universitetet i Stavanger.

    Hermann Starheimsæter (f. 1950) er forfattar. Han har studert psykologi i Bergen, og psykologi og litteratur i USA. Variert yrkesbakgrunn. Han har vore lærar, gartnar, resepsjonist. I fleire år var han journalist i Bergen. Debuterte med diktsamlinga Lungeblæretre i 1980, sidan har han gitt ut 11 bøker til. Gjennombrot med romanen Han gjorde det (1990). Forfattar på heiltid sidan 1988. På 2000-talet har han arbeidd med ein trilogi om språk og galskap. Dei to fyrste bøkene kom i 2003 (Nordvegen) og 2007 (Nattbussen). Tredje og siste band i serien, Der nåden finst, kom i 2012.

    Olav Stedje (f. 1953) er artist og låtskrivar frå Sogndal. Han har seks sylvplater, fire Grand prix-deltakingar, 14 langspelplater og eit utal konsertar og framføringar bak seg. Gjennom 30 år har han turnert land og strand på eiga hand, samt med Lava, Radio Røynda og Vestlandsrevyen.

    Janne Karin Støylen (f. 1973) formidlar nynorsk barne- og ungdomslitteratur ved Nynorsksenteret i Volda. Ho har vore lærar, drive kunst- og kulturformidling ved Eikaasgalleriet og Astruptunet, og var programansvarleg for Dei Nynorske Festspela og kulturprogrammet ved Nynorsk kultursentrum Ivar Aasen-tunet 2001–2005.

    Marit Aakre Tennø (f. 1977) er filmvitar, og frå 2013 leiar i Noregs Mållag. Tennø har vore dagleg leiar i Kringkastingsringen, og har vore prosjektleiar for tilflyttingsprosjektet i Jostedalen. Frå 2012 arbeidde ho som norskfagkonsulent i Noregs Mållag.

  • Ein nordmann sin draum: Olav Stedje på boknatti 22. juni
    Olav Stedje

    Olav Stedje spelar på Boknatti i Fjærland laurdag 22. juni 2013.

    Kjenner du denne karen? Olav Stedje held konsert på Boknatti 22. juni 2013. Det blir fleire konsertar, forfattarar og mykje program for born. Og meir får du veta om litt.

  • Nett no: konsert i Fjærland

    image

    Nett no spelar Sigmund Eikås på Fjærland fjordstove. Der skulle du ha vøri, Kal!

  • Bokrabattar og konsert med Sigmund Eikås laurdag

    Bokbyen er open kvar dag no, og du kan gå gjennom 9 nyrydda bokbutikkar og leita av hjartans lyst. Og no laurdag 11. mai klokka 20 held spelemann og forteljar Sigmund Eikås konsert på Fjærland fjordstove klokka 20. Bokbladring fyrst og konsert etterpå? God ide!
    Dette er same dagen som me har 25% rabatt på friluftsliv, jakt, sport og andre kategoriar på «gamlebiblioteket» på Bok og bilde. Eit godt høve til ein tur til Fjærland.

  Eitt svar til “Tilstellingar”