Bidra

Bokbyen er viktig for samfunnet på mange punkt:

  • Bøker fortener eit liv etter bestseljarlistene. Bokbyen er ein del av det kollektive minnet vårt, og syter for at bøker ikkje blir gløymde.
  • Me er ei gjenbruks- og miljøverksemd. Den norske bokbyen tek vare på bøker som elles ville vorte kasta, og reddar tonnevis frå deponia.
  • Me formidlar litteratur på ein original og entusiastisk måte. Her har me 4 kilometer med moro!
  • Me held viktige, gratis litteraturtilstellingar på Vestlandet, og gjer det lett for folk her å oppleva litteratur.
  • Bokbyen er ei kunnskapsverksemd i ei landbruksbygd, og gjev variasjon i næringslivet.
  • Me er eit stort pluss for reiselivet i området. Heile regionen dreg nytte av at bokbyen ligg rett rundt hjørnet.

Viss du vil støtta opp om arbeidet me gjer, er det fleire måtar å gjera det på.

Venelaget

Bli medlem i Vener av Den norske bokbyen. For 300 kroner året får du 10% rabatt på bøker, samt gode rabattar på overnatting og andre tilbod i Fjærland, i tillegg til at du får informasjon om kva me driv med. (Verksemder betaler 5000,- i året for alle sine tilsette.) Les meir her.

Sprei ordet om bokbyen

Prat om oss. Me lever av å selja bøker, og då er me avhengige av at bokinteresserte veit om oss og finn oss. Ta med gjester hit, nemn Fjærland, bokbyen og heimesida når det enn passar seg, eller inviter folk til sida vår på Facebook.

Friviljug arbeid

Bli friviljug! Det er moro å jobba i bokbyen om sumaren.Har du tid, kan du gjera nokre dagsverk i utsala våre. Kontakt oss på epost (post alfakrull bokbyen punktum no) eller telefon (57692210) om dette høyrest interessant ut.

Send oss ei melding

Har du spørsmål om bøker, Bokbyen eller Fjærland?