Bokby-mammut i slagregn

Bokby-mammut i slagregn

Claus Kvamme

Claus Kvamme

Sundag 27. september var halv pris-dagen her i bokbyen. Det vart ei fuktig affære. Slagregnet gjorde nok sitt til at ikkje alle turde å ta turen inn til Fjærland denne dagen, men ein god del kundar trassa vêret, og fekk med seg godbitar frå bokhyllene til halv pris. Nokre heldige utvalde fekk med seg eit kunnskapsrikt og interessant føredrag om Jack London på Kaffistova, der bokbymann Claus Kvamme delte historier og kunnskap om forfattaren.
Til dykk som ikkje fekk teke turen, kan me trøysta med at det slett ikkje er siste gong me sel bøker til halv pris. Tilstellinga har i alt vist seg å vera ein suksess, og me vil gjera det same til neste år: Eit grepa mammut-sal før sesongen sluttar. Og no har me fått rydda litt utor hyllene, og kan ta til med å fylla dei att gjennom vinteren til me opnar att i mai. I mellomtida kan du stilla verste bok-hungeren på nettbutikken vår!

Send oss ei melding

Har du spørsmål om bøker, Bokbyen eller Fjærland?