Boknatt 4.-5. juni 2021

Boknatt 4.-5. juni 2021

NB – VI MÅ TA ATTERHALD OM KORONASITUASJONEN MED OMSYN TIL OM BOKNATTA KAN BLI GJENNOMFØRT SOM PLANLAGD.

Velkomen til Boknatta i jubileumsåret 2021! Bokbyen runder 25 år i år, og det vil me feire. Her kan du lese om kva som førebels står på programmet.

FREDAG 4.JUNI
Boklansering av Bokbyen si jubileumsbok. Det vert samtale med hovudforfattar, Terje Eggum, antikvarbokhandlar Kjell Arve Straumsvåg, bokbytilsette og nokre som har hatt styreverv i bokbystyret. Det vert opplesing frå boka ved ein av forfattarane.

LAURDAG 5.JUNI
Markering av jubileet og opning av festivalen ved statssekretær Gunhild Berge Stang frå Kulturdepartementet, etterfulgt av paneldebatt med temaet «Kvifor treng vi ein bokby?». Mellom paneldeltakarane finn me direktør for Fritt Ord, Knut Olav Åmås, forlagssjef i SKALD, Simone Stibbe, varafylkesordførar og politikarar. Debattleiar er journalist Lars Kvamme frå Bergens Tidende. Vi avsluttar innslaget med ei opplesing frå jubileumsboka vår.

Vidare utover dagen og kvelden får vi eit biografimøte mellom Bjørn Ivar Fyksen om Alf Prøysen, og Sigmund Løvåsen om Kjell Aukrust. Forfattarane vil samtale med Ove Eide frå Jakob Sande-senteret om korleis det var å vere skapande i deira samtid og korleis vi kan lese dei no i vår tid. Det vert ei vandring med forfattarane av biografiane, mellom hyllene i Bokbyen.

På programmet elles står Arnfinn Kolerud, Ragnar Hovland, Jens Kihl, Einar Økland, Olaug Mundal, Hanne Vasshus. Meir detaljert program kjem. Det vil óg vere program for barn.

Send oss ei melding

Har du spørsmål om bøker, Bokbyen eller Fjærland?