Boknatta 27.-29.mai 2022

Boknatta 27.-29.mai 2022

Velkomen til boknatta litteraturfestival i bokbyen! I år er det litteraturarrangement i heile tre dagar. Fredag, laurdag og sundag vert det bokbad om mat, fuglar, krigsveteranar, skred, Vestlandet, Ibsen, Hamsun, Woolf og nynorske klassikarar. Mat og drikke, bokbyvandring , dødsing, saunadikt og barneprogram. Med forfattarane Brit Bildøen, Erlend O. Nødtvedt , Margit Dale, Bjørn Asle Nord, Martin Erntsen, Jostein Fretland, Øystein Vidnes, Maryan G. Mundal, Rune Olstad, Johannes Aanonby, Gunn D. Tufte og Eivind Ødegård. Konsert med Martine og Trym.

Detaljert program:

FREDAG

Kl. 19 Maryan George med boka Frost King i samtale med Eivind Ødegård på Gamle Posten.

Kl. 20 Martin Erntsen- teikneserieskapar og forfattar, i samtale med Øystein Vidnes om teikneserieboka Sult av Knut Hamsun. Brageprisvinnar og gull i Visuelt og Årets vakreste bøker i 2019. Fjordstova.

LAURDAG

Kl. 12 Dødsing med Sogndal Fjellsport. Stad: Kaien i Mundal.

Kl. 12 Dampande, heite dikt med Rune Olstad i badstova, Dampen. Kr.100,-

Kl. 12.30 Fjærland skulekorps opnar boknatta. Stad: Torget i Mundal.

Kl. 13 Lesestund for dei minste med lesegledar Gunn D. Tufte. Stad: Gamle Posten.

Kl. 14 Familiearrangement med Jølster jeger og fisk og 4H. Bruke naturens råvarer, lage mat, eventuelt fiske.

Kl. 14 Bjørn Asle Nord om krafta i forteljinga og den forteljande journalistikken sine mulegheiter. Om bøkene sine, «Gi meg heller livet» og «Skredet». Der den eine utforsker traumer etter krig, medan den andre utforsker samhold og vilje til å hjelpe i det frivillige Norge. Stad: Fjordstova.

Kl. 15 Margit Dale med foredraget «Naturen er gåvmild». Margit Dale har blitt svært kjend med sine kokebøker, «Heimelaga» og «Naturleg». Ho fortel kva som skjer med maten før den lagast i eit kjøkken . Råvarer, dyrking, tradisjon og matoppkrifter. Stad: Fjordstova.

Kl. 16 «Skattane i det enorme mylderet av ord» – ei vandring gjennom bokbyen med Jostein Avdem Fretland. Bli med kjentmann inn i bøkenes univers. Stad: Startar på Bok og bilde.

Kl. 18 Eivind Ødegård og Erlend Nødtvedt om Vestlandet og Mordet på Ibsen. Stad: Gamle Posten.

Kl. 19 Brit Bildøen med boka Til Fyret av Virginia Woolf. For fyrste gong på nynorsk. Boka vart ein stor suksess då ho kom ut i 1920-åra. Denne utgåva til Brit Bildøen kom ut i fjor og har blitt svært populær. Stad: Kyrkja.

Kl. 20.30 Konsert med Martine og Trym. Indie, 70 – og 80 -talsmusikk. Stad: Gamle Posten.

SUNDAG

Kl. 10 Etter frokost på Fjordstova med Brit Bildøen og fuglevitar, Johannes Aanonby. Delar av dette programmet vil skje utandørs og det leggjast opp til noko turgåing. Ta gjerne med kikkert!

OBS! Det vert ikkje bokmarknad i år, men nokre seljarar vil stå i tilknytning til bokbyen sine bokbutikkar. Programmet vert i ulike delar av bokbyen og det er muleg å kjøpe seg mat og drikke på kafeen, hotellet og frå eit mattelt. Bokbutikkane held ope til kl.23. Det meste av programmet er gratis. Vi oppmodar likevel til å gi ei gåve til bokbyen dersom du tykkjer dette er ei kjekk festival! Vippsnummer til bokbyen kultur: 635180 eller til konto: 3781.15.59912. Merk det gjerne med «boknatt». På førehand takk! Programmet er støtta av Norsk kulturråd, Fritt Ord, Vestland fylkeskommune og Sogndal kommune.

Send oss ei melding

Har du spørsmål om bøker, Bokbyen eller Fjærland?