Program Boknatta

Program Boknatta

Fredag 1.juni kl.21

Eivind Ødegård med lyrikk og musikk på Fjordstova. På deler av programmet har han med seg Rune Olstad.

Laurdag 2.juni

Kl.15          Konsert i kyrkja. Nyckelharpeleik med Sæther & Sagerøy

Kl. 16        Opning av Boknatta ved Øystein Vidnes, på scena på Torget

Kl. 17:30  Tove Bakke om Halldis Moren Vesaas på Fjordstova

Kl. 18:30  Øystein Vidnes om omsetjinga av Robert Musil si novellesamling Tre kvinner på Fjordstova

Kl. 20:00 Ragnar Hovland på scena på Torget

Kl. 21:00  Eivind Ødegård og Rune Olstad med musikk og dikt frå scena på Torget

Kl. 22:00  Vinjeubileum på Fjordstova. Etter ide av Janne Karin Støylen frå Rom for ord  kan me tilby ei jubileumsforestilling med pianokonsert, song og teater. Det er ei heilt ny litterær konsert- og teaterframsyning, av og med forfattaren Lars Amund Vaage.  Vaage reflekterer varmt og personleg over tilhøvet sitt til Vinje, og akkompagnerer tenor Aasmund Kaldestad i Grieg/Vinje-songane på piano. Skodespelar Kyrre Eikås Ottersen les Vinje sine tekstar, og framsyninga vert utvikla under Sogn og Fjordane teater og teatersjef Bodil Kvamme si kunstnarlege leiing og regi. Gratis inngang, kan ikkje førehandtingast.

Barneprogram

Kl.18-19 Barnas bok-kafé på Kaffistova med lesegledar Gunn D. Tufte, Kristine Paulsen og Evi Susann Skeide

Tur til Olastova og Tur med Fjærland guiding. Seniordans på Torget.

Programmet har gratis inngang, men har du lyst til å gi noko kan du gjere det på kontonr.: 3720.07.90643 eller VIPPS #105440. Merk med gåve.

På programmet i år skal me mellom anna markere Vinjejubileet. Etter ide av Janne Karin Støylen frå Rom for Ord kan me tilby ei jubileumsforestilling med pianokonsert, song og teater. Utover det kjem Øystein Vidnes med omsetjinga av novellesamlinga Tre kvinner av Robert Musil- ei omsetjing han nyleg fekk kritikarprisen for, og som inngår i den nynorske klassikarserien til SKALD forlag. Vidare får me besøk av Tove Bakke som fortel om Halldis Moren Vesaas sitt bidrag som omsetjar, særskilt til scenekunsten- noko mange ikkje har vore så kjende med. Me kan óg tilby føredrag med Ragnar Hovland der tema er «Rare franskmenn. Surr- og andre realistar.»

I kyrkja kan me tilby ein nyckelharpekonsert med Sæther og Sagerøy- ein sogning og nordfjording med nyckelharpa og harpeleik i samspel. Ein spesiell kombinasjon som ikkje har så mange utøvarar. Konserten er med støtte frå Fjærland sokneråd.

På fredag kveld kan ein møte Eivind Ødegård, som dreg fram gitaren og presenterer eit knippe lyrikarar, både utanlandske, som har blitt gjendikta til norsk, og norske- alle med visse fellestrekk.

På scena ved bokmarknaden laurdagen vil Rune Olstad og Eivind Ødegård skape stemning, og ein kan høyre Øystein Vidnes opne årets Boknatt med innslag av Vestlandsforfattarar, i hovudsak Rolf Sagen.

Det vert utandørs bokmarknad og litt meir. Mat, godt drikke og godtfolk på torget i Mundal langs kaien. Alle bokbutikkane er ope til langt utover kvelden denne lyse sommarnatta i juni.

Velkomen!

Boknatta er støtta av Norsk Kulturråd og Fritt ord.

Send oss ei melding

Har du spørsmål om bøker, Bokbyen eller Fjærland?