Tett på Fosse i Fjærland

Tett på Fosse i Fjærland

Jon Fosse og Ingrid Storholmen i bokbyen 16. august 2009

Jon Fosse og Ingrid Storholmen i bokbyen 16. august 2009

– Ein varm og inderleg samtale og eg føler meg privilegert som fekk høyra på, seier Brita Bøyum, ei av dei mange som fekk oppleva Jon Fosse i samtale med forfattaren Ingrid Storholmen i Bokbyen sundag. Jon Fosse fortalde om både forfattarskapen sin og seg sjølv, mellom anna korleis han vart dramatikar og sitt forhold til nynorsken. – Du sjølv er så liten, men språket er der felles for oss alle og tek vare på oss, seier Fosse. Jon Fosse fortel at han alltid har likt seg i Bokbyen og på Hotel Mundal i Fjærland. Laurdag kveld las han frå ”Andvake” i Fjærland kyrkje. Også ei storhending sidan Fosse sjeldan les sine eigne tekstar. Med seg hadde han Karl Seglem på saksofon og bukkehorn og Håkon Høgemo på hardingfele. Ei stemningsfull time som avslutta med at alle song Fosse sin vakre nattsalme. Litteraturhelg i august i Bokbyen i Fjærland er komen for å bli. Fredag kveld og laurdag sette Bokbyen fokus på USA – med engasjerande innlegg både om kampanjen til Barack Obama, amerikansk politikk og økonomisk utfordring, den globale verda og om Bob Dylan. Helga avslutta med diktlesing av Ingrid Storholmen, Asger Schnack og Ethelbert Miller.

Send oss ei melding

Har du spørsmål om bøker, Bokbyen eller Fjærland?