• Bokbyen om sumaren

    Den norske bokbyen sel bruktbøker i vakre Fjærland. Me har bøker i alle kategoriar, for alle interesser – alt saman godt sortert. Me har eit titals særprega utsal, opne sumarstid – nettbutikken er open heile året.
    Bokbyen tek tid. Den beste opplevinga får du viss du set av minst ein heil dag. Roleg bokbladring er luksus.

Barnebokbyen er nominert til årets kulturide!

 Nytt  Ingen svar »
mai 162013
 

Barnebokbyen og Leseland i Den norske bokbyen er nominert til årets kulturide i Sogn og Fjordane 2013! Arbeidet vårt med å gjera bokbyen meir tilgjengeleg for born blir lagt merke til. Viss du tek turen innom Fjærland i år, vil du òg sjå det – ny barneavdeling, betre merking og samankopling mellom bøker og nettressursar. Og 12. juni opnar bokbystien og leikeplassen, som gjer heile bokbyen endå betre for dei yngste lesarane – og familiane deira. Få med deg dette i år! Les meir hjå [...]

Bokrabattar og konsert med Sigmund Eikås laurdag

 Nytt, Tilstellingar  Ingen svar »
mai 092013
 

Bokbyen er open kvar dag no, og du kan gå gjennom 9 nyrydda bokbutikkar og leita av hjartans lyst. Og no laurdag 11. mai klokka 20 held spelemann og forteljar Sigmund Eikås konsert på Fjærland fjordstove klokka 20. Bokbladring fyrst og konsert etterpå? God ide! Dette er same dagen som me har 25% rabatt på friluftsliv, jakt, sport og andre kategoriar på «gamlebiblioteket» på Bok og bilde. Eit godt høve til ein tur til Fjærland.

Bokbyen opnar

 Nytt  Ingen svar »
mai 012013
 
Bokbyen opnar

Vestlandet, 1. mai 2013. Kva betre kan du gjera i dette vêret enn å 1) reise til Fjærland og kjøpe ei bok, og 2) ta ho med heimatt og lesa ho? God ide. Bokbyen er open frå 10-16. Hyllene er fulle av nytt lesestoff.

Sal og konsert 11. mai

 Tilstellingar  Ingen svar »
apr 192013
 
Sal og konsert 11. mai

Laurdag 11. mai er det sal og konsert i bokbyen. Bokkategoriane om tekniske fag, jakt og friluftsliv samt lokalhistorie går billeg – 25% rabatt på dette utvalet heile helga! Og laurdag kveld, det vil seia laurdag 11. mai kl. 20 er det konsert med Sigmund Eikås på det trivelege hotellet Fjærland fjordstove. For ein billeg penge får du høyra ein av dei beste spelemennene i landet, som attpå er ein framifrå forteljar. Sjå fram til ein hyggeleg kveld på alle måtar i Fjærland!

Bokbyen opnar: vernissage, musikk, kanapear og cava

 Tilstellingar  Ingen svar »
apr 192013
 
Bokbyen opnar: vernissage, musikk, kanapear og cava

Onsdag 1. mai opnar utsala i bokbyen for sesongen, og held ope kvar dag kl 10-16 (stengt 17. mai). Fyrste arrangementet i år er utstillingsopning laurdag 4. mai kl 13 på utsalet Bok & bilde. Kunstnar Idun Synneve Slevikmoen er inspirert av naturen i Sogn og Fjordane, og held separatutstillinga Bre og fjell – Ein hyllest til Bøyabreen heile 2013-sesongen. På vernissagen 4. mai serverer bokbyen kanapear og sprudlevatn, Petter Eide spelar fele og Idun presenterer utstillinga. Få med deg ei av ganske få utstillingsopningar [...]

Frå «Glossarium Norvagicum»

 Nytt  Ingen svar »
apr 172013
 
Frå "Glossarium Norvagicum"

Mykje artig er å finne i gamle ordbøker. Her er eit oppslag om «Haar-Hætte», som altså er ein parykk. Kommentaren frå forfattar Erik Pontoppidan gjer det verdt å tolke den gotiske skrifta frå 1749: «Vel givet og værd at antage.» Ja, kvifor ikkje, gamle Pontoppidan? Ei hårhette!

Bokbynytt er ute!

 Nytt  Ingen svar »
mar 142013
 
Bokbynytt er ute!

… og den digitale utgåva kan du laste ned her: Bokbynytt nr 1, 2013. Sprei denne vidt og breitt, slik at folk får veta kva som skjer i bokbyen til sumaren! God lesnad.

Kvar i Fjærland? 1

 Nytt  3 svar »
mar 122013
 
Kvar i Fjærland? 1

Me kan ikkje lova at dette blir ein fast serie, men litt konkurransemoro må me ha: Kvar i Fjærland er dette teke? Fyrste rette svar får eit lite gåvekort i bokbyen! (Me godtek alle adressenemningar, inkl. gards- og bruksnummer.)

 Eldre innlegg