Barnebokbyen 

Aktivitetar og bøker for små og store. Tid og plass til å utfalda seg, leika, lesa og læra.

Både born og ungdomar skal trivast i Bokbyen! Me har to store avdelingar for barne- og ungdomslitteratur, på Straumsvågs antikvariat og Bok og Bilde. I barneavdelingane er det lese-og teiknekrok, og det er nettilgang. Me har óg fleire uteområde for leik. I bokbyen finn me òg Fjærland guiding, som tilbyr mellom anna kajakkpadling og guida turar. Kaffistova midt i Mundal syter for mat og drikke. Turistinfoen på utsalet Bok og bilde gjev meir info om kva du kan gjera.

Det er bortimot 10.000 barnebøker i Bokbyen.  Det er gamle, nostalgiske barnebøker og seriar, men me har òg eit godt utval av moderne bøker på både nynorsk og bokmål.

Heile familien kan bruka tid på å gå bokbystien, ei spørsmålsløype gjennom bokbutikkane, med spørsmål som passar til alle, og ein liten premie til alle som deltek!

På fastsette dagar gjennom sesongen er det kreative aktivitetar for borna, og på Boknatta er det alltid eige barneprogram.

Velkomen til Bokbyen med borna i sommar!