Høgtlesing og julegraut med mandel
22. november
Odin (ferjekaien)
14.00-15.00
Alle elskar risgraut. Og kven liker vel ikkje Pippi Langstrømpe? Dette blir verdas beste førjulskos: Me samlast for å høyra historia om då Pippi redda jula, og et julegraut med sukker og kanel. Den som finn mandelen får ei lita julegåve!
Gratis.
Lobotomert
føredrag med Oddrun Midtbø
22. november
Fjærland Fjordstove
16.30-17.30
Foredrag med Oddrun Midtbø om ein skamplett i psykiatrihistoria.
Noreg var blant dei landa som lobotomerte flest menneske, unge som vaksne. Kvifor vart det sagt at metoden «passa spesielt godt på kvinner», og kvifor held legane fram med å lobotomera i fleire tiår etter at medisin var kome på marknaden? Mannen bak metoden fekk Nobelprisen i medisin. Ingen snakka om dei titusenvis av menneska som døydde eller fekk liva sine øydelagde etter inngrepet.
Under arbeidet med boka om Harastølen oppdaga Oddrun Midtbø ein slektning som skulle gøymast og gløymast. Var grandtante, Juliane Marie, som var innlagt som «sinnssjuk» i over 60 år, blant dei lobotomerte kvinnene?
Kampen for innsyn i pasientjournalen hennar er den raude tråden i den sterke forteljinga i boka Lobotomert.
Midtbø tek vekk sløret frå eit av dei mørkaste kapitla i behandlinga av personar som var psykisk sjuke, eller som ikkje passa inn i dei tronge rammene i samfunnet på den tida. Du møter lobotomistane, og dei som nekta å utføra det media hausa opp som «mirakelkur», men som mange pasientar opplevde som rein tortur.
Arrangementet er eit samarbeid mellom Den norske bokbyen og Fjærland Næringssamskipnad og er støtta av Fritt Ord.
Billettar
What would Jon Michelet do?
litterær samtale med Marte Michelet
22. november
18.30-19.30
Fjærland Fjordstove
Då Jon Michelet døydde i 2018, vart Marte Michelet oppmoda frå fleire hald: Du må skriva om far din! For Marte vekte det berre motvilje. Ei bok om pappa? Nei takk. Heilt til ho ein sommar får det for seg at ho skal laive han. Ho har eit hotellrom for natta, på konto står eit lite stipend, og nokre lause ferieveker ligg framfor henne. Så ho seier som kristenfolket: What Would Jon Michelet Do?
I si siste bok, "Det har skjedd verre ting i utlandet", skriv Marte Michelet gnistrande og personleg om å veksa opp langs partilinja, om fordelar og ulemper ved Theatercafeen, om å tilhøyra dei suspekte utlendingane i Lusaka, om oppturane til farskapen og nederlag og om å læra seg å gå som ein mann.
Samtalen på scena blir leidd av dagleg leiar Den norske bokbyen, Heidi Bøhagen.
Arrangementet er eit samarbeid mellom Den norske bokbyen og Fjærland Næringssamskipnad og er støtta av Fritt Ord.
Billettar
Askeladden og piken med svovelstikkene
23. november
13.00-14.00
Gamleposten
Året er på sitt mørkaste, og kvelden før kvelden er barna klare for «geiming» – men så går straumen! Mor vil fortelja eventyr, men kva må eigentleg vera med i ei ekte julehistorie? Kven hadde vunne i ein slåstkamp mellom H.C. Andersen og Charles Dickens? Og kan jenta med svovelstikkene tenna håpet og redda jula?
Bli med på ei morosam og annleis forteljarstund med teikneserieskapar og forfattar Therese G. Eide. Ho teiknar og fortel barna om dei klassiske eventyra, og tek imot innspel undervegs. Her er det meste lov! Etterpå er det barnas tur til å teikna, og Therese er tilgjengeleg for tips og triks og tøys.
Therese G. Eide (f. 1978) er frilans illustratør med base i Bergen. Ho står bak "Ingenting nytt frå heimefronten", ein sjølvbiografisk teikneserie om livet som småbarnsmor, som blir trykt i fleire aviser og har resultert i fleire bøker.
Gratis.
Etter arrangementet blir det boksal og signering.
Arrangementet er eit samarbeid mellom Den norske bokbyen og Fjærland Næringssamskipnad og er støtta av Fritt Ord.
Team Berlin
føredrag med Roger Sevrin Bruland
23. november
16.30-17.30
Fjærland Fjordstove
I februar 2020 ramma det dødelege koronaviruset Europa. To år seinare, i februar 2022, invaderte Russland Ukraina. På berre to år opplevde Europa dei største krisene sidan andre verdskrigen.
Nordfjordingen Roger Sevrin Bruland (f. 1977) var som NRKs Europa-korrespondent med base i Berlin tett på både sjukehuskaoset i Italia og krigens gru i Ukraina. Han formidla den brutale røyndomen rett inn i norske heimar – usminka og nær.
No har Roger Sevrin Bruland samla erfaringar og vitnesbyrd mellom to permar i boka Team Berlin. I denne rikt illustrerte boka fortel Bruland om møta med menneske, både dei utan makt og dei som sit med makta, på reiser i eit Europa i unntakstilstand. No har Roger Severin Bruland samla erfaringar og vitnesbyrd mellom to permar i boka Team Berlin.
Kom og høyr Bruland fortelja om tida som utanrikskorrespondent og arbeidd med boka. Det blir også opna for spørsmål frå salen, og kvelden blir avslutta med boksignering.
Arrangementet er eit samarbeid mellom Den norske bokbyen og Fjærland Næringssamskipnad og er støtta av Fritt Ord.
Billettar
